Kanta, Sayaw ug Premyo

Maayong Sunday kanatong tanan mga BisChikadora. Usa na pud ka Domingo ang atong saw-an para sa mga BisChika nga angay lang gyud kaninyo. Na-busy ang akong beauty alang sa mga umaabot nga events o rakets kauban ang among team, ang Yur Events and Productions. Mao nga malipayon kaayo ang among team sa pagsalig kanamo nga maoy mo-organize sa inyong events.  Pakpak to the max sa inyong pagsalig kanamo!

Karung adlawa mobisita ug mohatag og kalingawan ang Kapuso oppa Alexander Lee, ug kauban niya ang music artist nga si Marucci o mas nailhan karun nga AXM duo sa Ayala Terraces, ug ang inyong Mother  Butanding  mao’y host plus naa pud ang bag-o lang nga champion sa Dance Fest ,ang Untamed Cebu. Magsugod ang Kapuso Mall Show alas singko sa hapon. Makauban usab sa maong kapuso mall show ang atong Cebu Clashers nga silang Esterlina Olmedo, Danielle Ozaraga ug Golden Canedo. Kantahan, sayawan ug mga papremyo ang hatod kaninyo sa GMA Regional TV.Dad-a ang tibuok ninyong pamilya kay kining kapuso mall show libre kini ,meaning wala’y bayad. Ang mga lingkuranan kay first come first seat ang drama nato. Kay aduna ma’y games nga giandam, kun duolon mo para pa apilon dapat go gyud dayun kay ang mga prizes, mga GMA merchandise nga dili nimo mapalit sa mga tindahan. Exclusive para kanimo, kapuso!

Samtang niaging Domingo aduna na’y bag-ong champion sa SM Super Malls Dance Fest. Gikan sa 48 groups nga ni-audition, gikuhaan lang og 10 para sa elimination round hangtud lima na lang sa branch finals. Napuno ang SM Consolacion Event Centre sa mga supporters sa matag grupo. Nangulba na sila kay mahibaw-an na  kinsa ang mo level up para sa branch finals. Ang mga dance crew bigay todo na bisag nag-rehearsals pa lang for opening production number hangtud sa ilang blockings on stage. Hugyaw ang opening production number kay with matching SM’s #AweSM Dance with the taste of hiphop dance. Pagsugod na sa maong indigay sa sayaw ang tanang grupo bigay todo sa ilang performance. Ang judges naglisod gyud sa pag- judge kinsa sa maong lima ka grupo ang mamahimong champion. Ka-hugyaw sa programa kay bisan ang mga audience wala gyud nanghawa hangtud wala pa gi-announce ang winner. Pag-announce na sa mga mananaug ang mga supporters nag wild og todo, cheering sa mga grupo nga ilang gisuportahan.

Mao kini ang mga mananaug sa SM Super Malls Dance Fest 2018 :

2nd Runner Up – Understatement

1st Runner Up – Freestyler 2.0

Grand Champion – Untamed

Congratulations sa tanang winners! Ready na ang Untamed para magtigi sa champions of SM City Bacolod, SM City Iloilo ug SM City Puerto Princesa para sa regional finals karung August 25 sa SM City Seaside.