CEBU, Philippines – Nakadayeg gyud ang mayor sa Sta. Rosa City , Laguna nga si Dan Fernandez ngadto sa usa sa iyang mga konstituwente nga si Alden Richards gumikan kay wala gyud mausab ang ka maayo sa batasan niini.
Tsika pa niya ngadto sa PEP.ph nga dakong garbo sa iyang lugar si Alden gumikan kay kahibalo gyud kini molingi kon diin siya naggikan.
Saludo siya kang Alden gumikan kay dili gyud kini magpabayad sa higayon nga motikang kini og mga kalihokan sa ilang dapit.
Kahinumdoman nga nakadaog isip Ginoong Sta. Rosa si Alden niadtong 2009 ug Ginoong Laguna niadtong 2010. Suod usab ni Alden ang pamilya ni Congresswoman Arlene Arcillas.