CEBU, Philippines — Nahimong trending sa Twitter niadtong Huwebes sa gabii ang paglugwa ni Anne Curtis isip guest Star Patroller sa programang “TV Patrol.” Gamit ang hashtag #AnneCurtisOnStarPatrol, napuno og mga pagdayeg gikan sa viewers ang performance ni Anne.
Mapasalamaton gihapon
Gitataw ni Paul Salas nga bisan sa pagbalik niya karon sa GMA-7 , mapasalamaton gihapon siya sa ABS-CBN gumikan kay giatiman gyud niini ang iyang career sulod sa taas nga katuigan. Duna lang gyu’y higayon nga dili siya makabaton og mga serye apan nakasabot ra siya niini.
Tambag ni Regine
Tsika pa ni Julie Anne San Jose nga dili gyud niya kalimtan ang mga tambag nga iyang nadawat gikan sa iyang idolo nga si Regine Velasquez. Usa sa dili niya malimtan nga tambag sa Songbird mao nga kinahanglan nga mag-enjoy og taman sa iyang kinabuhi samtang bata pa.
Busy sa trabaho
Dili una madayon karong buwana ang plano nga honeymoon sa magtiayong Coleen Garcia ug Billy Crawford gumikan sa ilang ka-busy. Kahinumdoman nga nagpakasal ang duha niadtong April 20 didto sa Balesin Island Club sa Quezon Province. Matud pa ni Billy nga nakalinya pa ang ilang showbiz commitments.
Jake gibugal-bugalan
Aminado ang singer nga si Jake Zyrus nga usa siya sa mga artista nga paboritong himoan og ‘memes’ sa mga bugal-bugalon nga netizens . Suma pa ni Jake nga naanad na siya niini apan iyahang gitambagan ang mga nag-bully kaniya nga unta nga mag-usab na gumikan kay nakapasakit na sila og laing tawo.
Sunshine napungot
Puwerting lagota ni Sunshine Cruz sa usa ka netizen nga nikuwestyon sa gipangaon ug sa mga gipangsul-ob sa iyang mga anak. Matud pa sa aktres nga nagtrabaho siya og tarong aron mahatag ang mga panginahanglanon sa iyang mga anak. “I told my kids not to be embarrassed kasi pagkain, damit ultimo sasakyan nyo ako ang bumili para sa inyo. Nagtatrabaho ako ng maayos at nagpupursige para sa mga anak ko. Kung may kasalanan sa inyo ang ibang tao, don’t involve other people especially my children,” suma pa sa Facebook post ni Sunshine.
Resulta sa paningkamot
Sulod sa upat ka tuig niya nga pagpaningkamot sa showbiz, nakapalit na gyud og yuta ang singer nga si Darren Espanto nga maoy tukoran sa iyang dream house. Matud pa ni Darren nga nindot kaayo hunahunaon nga duna gyu’y produkto ang iyang mga kahago.
Hangyo ni Karla
Gihangyo ni Karla Estrada ang anak niya nga si Daniel Padilla nga dili una magpakasal samtang wala pa kini nitungtong sa edad nga 35 hangtud sa 40 anyos. “Kumbaga matibay na ang pananaw nila sa pag-aalaga ng mga anak,”pagpasabot pa ni Karla ngadto sa ABS-CBN News.
A1 mobalik sa nasud
Mobalik sa nasud ang British-Norwegian boy band nga A1 karong October gumikan sa ilang 20th anniversary reunion tour . Ang A1 maoy nagpasikat sa “Like a Rose,” “Everytime,” “Caught in the Middle,” “Same Old Brand New You,” ug “Heaven by Your Side.” Katapusang concert sa AI dinhi sa nasud nahitabo niadtong 2016.
Bea-Aga movie
Gisugdan na ang shooting sa umaabot nga pelikula nila ni Bea Alonzo ug Aga Muhlach. Sa Vancouver, Canada ang shooting sa maong proyekto. Dakong garbo alang kang Bea nga makauban si Aga sa usa ka pelikula.