CEBU, Philippines — Nagpanikad na og maayo si Dingdong Dantes sa umaabot niya nga proyekto sa GMA-7 gumikan kay makatrabaho niya og balik ang iyang asawa nga si Marian Rivera.
Niining higayona, si Dingdong maoy magsilbing direktor sa maong proyekto nga pagabitoonan ni Marian.
Sa report sa GMA News, usa kini ka anniversary presentation sa GMA drama anthology series nga "Tadhana."
Matud pa sa aktor nga nag-istoryahanay na sila ni Marian kalabot niini ug giingnan siya nga dili magminaldito sa pag-direk sa maong proyekto.
"Basta ang sabi huwag daw akong magsungit sa kaniya, hindi naman eh," suma pa ni Dingdong.
Gawas sa TV project, busy usab ang aktor sa pelikula partikular na ang "Sid and Aya (Not A Love Story)” kung diin kapares niya si Anne Curtis.