CEBU, Philippines — Niabot sa 20 ka tuig ang pagpinaabot ni Anne Curtis aron makatrabaho og balik si Dingdong Dantes. Bida ang duha sa umaabot nga pelikula nga nag-ulohan og “Sid & Aya (Not A Love Story).
Tsika pa ni Anne nga bata pa lang siya sa dihang nag-uban sila sa usa ka proyekto ug wala pa gyud kaayo siya’y bug-at nga mga karakter kun itandi karon nga direkta na gyud sila nga adunay linya ni Dingdong.
“Sobrang bata pa ako no’n, chuwariwap girl lang ako no’n, support-support lang. So after 20 years in the making, I guess, it helped in a way na nagkatrabaho na kami dati. So ngayon na nagka-work kami, medyo kumportable, hindi nagkakailanganan”, saysay pa ni Anne nga namantala sa PUSH.
Dugang pa ni Anne nga dali ug hapsay lang gyud ang dagan sa ilang trabaho ni Dingdong tungod kay pamilyar na sila sa usa'g-usa.
Mapasalida ang maong pelikula karong Mayo 30. Ubos kini sa Viva Films ug N2 Productions ug si Irene Villamor ang direktor niini.