Sa Balay Ra Gyud

Mubakasyon ngadto sa Dakak ang pamilya ni Alden Richards apan mupauli gyud sila inig Biyernes Santo. Kini kay tradisyon gyud sa ilang pamilya nga kinahanglan naa ra sa balay gikan Biyernes hangtud na sa Domingo sa Pagkabanhaw.

Sekreto Aron Sexy

Suma pa ni 2017 Miss Universe Philippines Rachel Peters 20% ra gyud nga workout ang kinahanglan aron magpabiling sexy. Niya pa, ang 80% magdepende gyud sa imong gikaon. Busa kinahanglan gyud nga bantayan nimo imong gikaon kon buot nga sexy ang lawas.

Dapig Kang Catriona

Suma pa ni 2017 Miss Intercontinental Philippines Katarina Rodriguez, bisa’g unsa pay isulti, best in swimsuit gyud si 2018 Miss Universe Philippines Catriona Gray. Suma pa niya, girespeto niya ang kanhi beauty-queens nga sila si Maggie Wilson ug Bea Rose Santiago, apan kon siya pa to, dili na lang niya isulti kon dili kini maayo. Hinuon, niya pa, haom ang duha nga mukomentaryo sanglit nahibawo man sab kabahin sa labihan nga pressure sa pageant.

Walay Ikauwaw

Gibutyag sa character actress nga si Odette Khan ngadto sa www.pep.ph nga niabot siya sa punto nga giprenda niya ang iyang mga alahas kaniadto gumikan kay wala na siya’y projects ug na-stroke siya. Dili matud pa siya mauwaw musulti niini, gumikan kay iya man sab nga mga alahas ang iyang gi-prenda. Ug mapasigarbuhon siya nga walay bisan usa sa iyang giprenda ang na-remati. Apan nilungtad matud pa’g pila ka tuig usa niya nakuha tanan niya’ng giprenda.

Nahusay Na

Giklaro ni James Reid sa iyang pag-guest niadtong Biyernes sa Tonight With Boy Abunda nga “misunderstanding” lang ang nahitabo tali nila ni Nadine Lustre ug sa ilang director sa movie nilang “Never Not Love You.” Suma pa niya, nagkasakit lang gyud si Nadine atol sa shooting sa pelikula, hinungdan nga nalangay. Apan nahusay na matud pa sila.