CEBU, Philippines — Human sa dul-an duha ka adlaw nga pagpakahilom, nitingog na niadtong Martes si Sandra Lemonon, ang Bb. Pilipinas top 15 finalist nga nag-trending sa social media human wala siya nakatubag sa final question kabahin sa “build, build, build” program sa administrasyon.
Nagkanayon si Lemonon: "Actually you know what, I studied so much for this Q&A, but sadly that's something that I don't know really much about. But at least I'm here trying to answer a good question. Thank you."
Sa interview ni Mario Dumaual alang sa TV Patrol, niklaro si Lemonon nga nagtuon gyud siya og maayo, gipangandaman niya ang posibling pangutana nga ibato ngadto kaniya sama sa “divorce, abortion, women's rights, violence, Marawi, Dengvaxia. I was ready for these questions! And when I had my question, I was just stumped."
Wala gyud matud pa siya nakasugat kabahin sa build build build program o ang kabahin sa programa sa kagamhanan pagtukod og mga infrastructure projects nga mutuboy paingon sa kalamboan sa nasud.
Gibutyag sab ni Lemonon nga wala gyud siya nakaklaro sab sa pangutana. “Bills” matud pa iyang nadunggan ug dili “build.”
Suma pa ni Lemonon, human niadtong nahitabo, wala una siya nag-online kay nagdahom siya nga gisaway siya og maayo sa netizens gumikan sa mao niyang pag-angkon nga wala siya'y alamag kabahin sa pangutana.
Hinuon nagduki-duki si Lemonon kabahin niini, hinungdan nga nasayud na siya unsay itubag unta sa maong pangutana.
"Of course! Yes, I'm pro building infrastructure. Who isn't? It's about time! How are going to get our economy better without this? It's about time!"
"Of course there's no answer for 'no,' there's only 'yes.' You have to say 'yes' to this. I just wish in that moment, I could have answered like that. But of course only later... You only have 30 seconds to answer, and only later I understood what the question was, so sayang talaga."
Nisaad si Lemonon nga mubalik siya’g apil sa Bb. Pilipinas sunod tuig, sanglit, ang maong panghitabo, nagpasabot lang nga dili gyud alang niya ang korona.
“My 9.5 Girls”
Samtang hingpit na nga giproklama si Catriona Gray isip Bb. Pilipinas Universe, nakit-an si Lemonon nga perteng lipaya ug nipakpak gyud samtang nagbarog siya sa entablado luyo sa bag-ong napiling rayna.
Gibutyag niya nga managhigala na silang daan ni Catriona sanglit nagdungan sila og apil sa Miss World 2016, diin ang nahauna maoy na rayna, samtang siya ang 4th runner-up. Hinungdan nga nalipay siya alang sa iyang higala.
Apan pinaagi sa iyang IG account, nasayran nga dili kay si Catriona ra ang iyang higala, kundili, hasta sab ang volleyball star ug karon Miss Globe Philippines nga si Michele Gumabao.
“My 9.5 girls! @gumabaomichele @catriona_gray you know I adore you both to bits, thank you for making time fly & leaving me with a stomach full of air because of our laughter. I couldn’t be more proud of you & I know you will both slay and bring home the crown,” nagkanayon siya.