CEBU, Philippines — Gikasal na sa miaging adlaw ang GMA news personality nga si Kara David ug ang singer nga si LM Cancio.
Human sa ilang kasal, gi-post dayon nila sa social media ang una nila nga selfie photo isip magtiayon.
“Kasal na kami!”, suma pa sa caption niini.
Sa report sa GMA News Online, gikasal sila si Kara ug LM sa St. James the Apostle Parish sa Betis, Pampanga.
Suwayan ang Bb. Pilipinas
Duha ka pamilyar nga personalidad sa showbiz ang nabatyagan nga nitikang sa pagsugod sa pampanawat og aplikasyon sa Bb. Pilipinas 2018.
Suma pa sa report sa showbiz website nga pep.ph, niduso sa ilang aplikasyon sa BB. Pilipinas niadtong Sabado, January 6 ang Star Magic talent nga si Vickie Rushton ug ang volleyball player/ TV host nga si Michelle Gumabao .
Daghan na ang nag-atang sa mahimong resulta kon madala pa sa official nga mga kandidata sa Bb. Pilipinas ang nahisgotan nga mga artista.
Dili na bag-o alang kang Vickie nga mosalmot og national pageant. Kahinumdoman nga siya ang napili nga Mutya ng Pilipinas International niadtong 2011.
Busy si Vickie sa training ubos sa Kagandahang Flores beauty camp.
Samtang ang De La Salle University volleyball player nga si Michelle , gi-train usab karon ni Jonas Gaffud sa Aces & Queens .
Alden mipirma og kontrata sa GMA Records
Subling nipirma og kontrata sa GMA Records ang aktor nga si Alden Richards niadtong Biyernes.
“Happy. Ramdam ko naman kasi na talagang GMA Records has been continuously researching, doing a lot of brainstorming kung ano ‘yung mga ibibigay na projects sa akin which I appreciate,” saysay pa ni Alden ngadto sa GMA News.
Pangandoy usab ni Alden nga mahimoan siya og kanta ni Ogie Alcasid.
Nitambong sa contract signing sila si SVP for Alternative Productions Gigi Santiago-Lara (GMAAC) ug GMA Records Managing Director Rene Salta.