CEBU, Philippines - Mao kini ang maundanong pangutana sa 22 anyos nga nahimong finalist sa Sinulog Idol 2014 nga si John Lawrence P. Ramas kinsa mas naila na karon isip “Jolo”.
Buot ug tumong ni Jolo nga kinahanglan nga magtukod gyud kita og kompyansa sa atong kaugalingon bisan og daghan na kita og gisagubang nga mga kakulian sa atong kinabuhi.
“Don’t stop believing. Because during those times na I was really down due to a lot of issues happened in my life but all I did was believe in myself nga everything will come to pass ug makaya ra nako ang challenges offered by life. I believe nga if people will just think the same way, then all of us will be successful”, suma pa ni Jolo.
Giangkon ni Jolo nga naggikan siya sa dili perpekto nga pamilya gumikan kay nagbuwag ang iyang mama ug papa niadtong 10 anyos pa lang siya. Matud pa niya nga dili usab sayun ang dili kanunay nga makita ang iyang amahan matag adlaw tungod sa maong sitwasyon.
Gipasalig niya nga dili kini babag aron sa pagkab-ot sa iyang mga tinguha sa iyang kinabuhi gumikan kay gipaniguro gyud niya nga makalampos siya sa iyang pagtungha ug mapakita niya sa iyang ginikanan nga nagtarong ug nabuhat gyud niya ang mga katungdanan isip usa ka bugtong anak.
Gitug-an usab ni Jolo nga mauwawon gyud siya nga pagkatawo. Sa matag higayon nga mokanta siya sa gawas sa ilang balay, dali gyud siya nga motago sa likod sa ilang gate kon adunay tawo nga moagi sa dalan nga makakita kaniya.
Apan sa paglabay sa panahon, nakaamgo ra usab si Jolo nga aduna usab siya’y mga pangandoy sa iyang kinabuhi ug mao kini ang mamahimong usa ka singer. Mao nga gihinay-hinay niya og tukod ang iyang kompyansa sa iyang kaugalingon.
Istorya pa niya, sa dihang nakatigom na gyud siya sa iyang mga personal nga pagkuwang alang sa iyang kaugalingon, gusto na usab niya nga makapa-enroll og voice lessons apan tungod sa kakuwang sa mga kahimanan, nakahukom siya nga mopaabot sa tukmang panahon kanus-a kini niya makuha sa lain nga pamaagi.
Mao nga pagpahibawo sa iyang mga higala mahitungod sa pamaagi sa Sinulog Idol, wala gyud siya magduha-duha sa pag-audition bisan og mao pa kini ang unang higayon nga moapil og kompetisyon.
“Seventeen years old ko nga nagsugod ko apil og contest. Niapil ko og Sinulog Idol kay dili tungod sa competition. It was because of Center for Pop. Center for Pop at that time was sponsoring Sinulog Idol. I wanted to enroll before, pero mahal gyud kaayo. So I decided to give my best shot and joined Sinulog Idol so I can be trained by them for free”, asoy pa ni Jolo.
Gibutyag niya nga makaduha siya nga nagpa-audition sa Sinulog Idol gumikan sa iyang kakulba. Matud pa niya nga sa dihang tulo nalang sila kabuok auditionees, dali gyud siya nga miuli tungod ka kakulba nga dili na gyud niya nga maagwanta.
Nilanat og usa ka tuig una siya nakatigom og igong kaisog aron magpa-audition. Apan bisan pa sa maong adlaw nga nagpa-audition siya, dili gihapon lalim alang kaniya ang mga panghitabo.
“During sa audition kay gipakanta ko og Lupang Hinirang, pero nangulba man gihapon ko, nilayat ko sa lyrics og kalit. Ang ending kay galakaw ko sa Abellana padung sa amua bisag init kaayo padung uli kay disappointed kaayo ko sa akong kaugalingon ”, saysay pa ni Jolo.
Gumikan sa maong panghitabo, wala gihapon siya makatuo nga makapasar siya sa audition. Dakong kalipay ug pasalamat niya sa Ginoo ug sa mga hurado gumikan kay mao kini ang nagsilbing stepping stone ni Jolo aron inanay nga maangkon niya ang iyang mga pangandoy.
Dakong pasalamat usab ni Jolo sa iyang tunghaan sa University of San Jose Recoletos sa pagtugot nga ma-excuse una siya sa klase sulod sa usa ka semana gumikan sa kompetisyon.
Sa usa ka semana ang bakbakan ni Jolo sa kompetisyon. Gihulagway niya nga dako na og kausaban ang nahitabo sa dagan sa iyang kinabuhi gumikan kay bisan og “first-timer” pa lang siya, nabatyagan niya nga mura og dugay na gyud siya nga kontisero.
“Kasagaran sa akong mga co-finalists at that time were already singing for at least five years. When you are competing against the best singers in Cebu, you have no choice but to level up as much as you can to get to be at par with them”, padayag pa ni Jolo.
Aduna usa’y laing rason nganong mao kini ang iyang nabati atol sa kompetisyon gumikan kay nagpaubos gyud sila og mga nagkadaiyang workshops aron mabaid gyud sila isip usa ka performer.
“The person who really made me what I am today as a singer is really my coach/mentor who is Cebu’s Ultimate Vocal Coach. No other than Coach Jay Unchuan herself,” matud pa niya.
Nagkanayon si Jolo nga human sa kompetisyon, nibubo gyud sa iyaha ang mga talagsaon nga grasya sama sa pagkahimamat og nagkadaiyang mga sikat nga personalidad ug ang pagkalakip niya sa World Championship of Performing Arts nga didto gihapahigayon sa Long Beach, California, USA niadtong 2015.
Gani, nagmadaugon usab siya didto gumikan kay nalangkat niya ang tulo ka silver medals ug 2 ka bronze medals sa lima ka genre sa vocal with accompaniment category nga iyang nasalmutan.
“Those were the glorious days where I can really say that I did something great for our country through my passion in singing. Those were the days where I have been so proud of being a Filipino”, suma pa niya.
Gipadayag pa ni Jolo nga kining tanan nga iyang naangkon karon, bunga gyud kini sa tanang pagpaningkamot niya, sa iyang pamilya ug sa tanang nga miabag kaniya aron makalahutay sa kompetisyon.
“I never surrendered and still persisted to go on with God behind my back. Surprisingly, I end up conquering my dream. Miracles do happen; and those circumstances only happen when God is behind you. All you need to do is trust in him and do your part”, panapos pa ni Jolo.
Q and A
BNH: Unsa ang dili nimo malimtan nga experience sa imong pagkanta?
JOLO: Makaingon gyud ko nga it is really amazing to meet the personalities that you only see on TV and share the same stage with them. Luckily, I already front acted for JC De Vera, Pokwang, Zanjoe Marudo, Jay-R and Xian Lim. I even got a chance to meet Jed Madela and Rhap Salazar during Wcopa since we were in the US together with them.
BNH: Unsay nakahatag nimo og interest ngano gusto nimo i-improve imong talento?
JOLO: Passion. I wanted to prove not just to the people, but especially to myself, that if we want something in life, we must work hard for it. Just like in singing, if ganahan gyud ka mo-improve og maayo, then you must give time to master the art.
BNH: Unsa ang imong future plans o goals?
JOLO: Akong goal right now is to become a lawyer. I have already conquered my dream, now it’s time to conquer my life.
Fast Facts
Name: John Lawrence P. Ramas
Nickname: Jolo
Birthday: September 30, 1994
Address: Brgy. Suba Cebu City
School & Course: University of San Jose Recoletos / Law
Job: Cebu City Call Center Program Youth Coordinator
Favorite Foods: Fried Chicken ug Humba
Height: 5’4’’
Weight: 70kgs
Favorite Song: Santo Niño ang Giya Ko
Favorite Singers: Bruno Mars ug Ed Sheeran
Favorite Movies: Pirates of the Carribean ug Lord of the Rings
Favorite Artist: Johnny Depp
Motto: Attitude is everything.
Titles/Achievements in Life:
• Sinulog Idol Finalist of 2014
• Member of the Team Philippines during the 19th World Championships of Performing Arts held in Long Beach, California, USA. A Multi-Medalist with 3 Silver and 2 Bronze Medals
“We must be tough despite of the shortcomings; we still manage to survive, be happy and always believe in yourself kay who would believe in us kon kita mismo wala'y salig sa atong kaugalingon?”