CEBU, Philippines - Naibanan og usa ka kandidata ang Binibining Pilipinas karong tuiga human nasuta nga nakasuway na kini og sexy photo shoot kaniadto.
Gumikan niini 39 na lang ang opisyal nga mga kandidata sa maong prestihiyosong indigay.
Wala ibutyag ni Bb. Pilipinas Chairman Stella Marquez-Araneta ang pangalan sa maong kandidata nga natagak ug kasamtangan pa nila nga tun-an kun magdugang ba o dili og laing babaye.
Ang grand coronation night mahitabo sa Smart Araneta Coliseum karong April 30, 2017. (BANAT NEWS)