Dako og nagasto
CEBU, Philippines – Gigastohan og dako sa Regal Films ang entry nila sa Metro Manila Film Festival 2015 nga Haunted Mansion. Ang maong pelikula gibidahan nila ni Janella Salvador, Marlo Mortel ug Jerome Ponce. Gipaabot nga magbaha ang special effects niini.
Jason maoy napili
Naghudyaka si Jason Dy gumikan kay siya ang napilian sa ABS-CBN aron mokanta sa theme song sa serye nila ni Erich Gonzales ug Daniel Matsunaga nga “Be My Lady.” Giangkon ni Jason nga nakulbaan siya gamay gumikan kay nasayod siya kung unsa kalig-on ang orihinal nga nagkanta sa Be My Lady nga si Martin Nieverra.
Reunion
Gipaabot nga magbaha ang mga artista sa 20th anniversary celebration sa Bubble Gang karong November 27 sa Gateway Cineplex gumikan kay motikang sa maong kalihukan ang mga artista nga nalakip kaniadto sa maong programa. Pipila niini ang nagpasilong na karon sa laing istasyon.
Sam gihuwaman sa TV5
Ang Bubble Gang ra ang kasamtangan nga show karon ni Sam Pinto sa GMA-7 busa luag ra ang iyang schedule. Gumikan niini gihuwaman si Sam sa TV5 aron ilakip sa usa ka episode sa Wattpad Presents.
Tighatag og tips
Todo suporta si Albert Martinez sa iyang higala nga si Richard Yap kinsa midala isip kontrabida sa seryeng Ang Probinsyano nga gibidahan ni Coco Martin. Si Albert maoy tighatag og tips kang Richard aron epektibo ang pagka-kontrabida niini.
Erik gidayeg ni AiAi
Nakadayeg si Ai Ai delas Alas sa maayo nga batasan sa singer nga si Erik Santos gumikan kay kanunay gyud kini mosuporta sa iyang mga charity event. Nagkasuod sila si Ai Ai delas ug Erik Santos gumikan sa mga show nila sa abroad kaniadto.
Edu maikog ni Luis
Gibutyag ni Edu Manzano nga wala niya gi-obligar ang iyang anak nga si Luis Manzano nga motabang kaniya sa pagpangampanya. Si Edu magpapili pagka-senador ug mitataw nga maikog siya mo-demand og oras sa iyang anak gumikan kay busy kini sa showbiz.
Naabot ang uyab
Malipayong gibutyag ni Pokwang nga naabot na sa Pilipinas ang iyang boyfriend nga American actor nga si Lee O’Brien”. Gusto ni Lee nga masuwayan ang Pasko dinhi sa nasud.
Paambit sa grasya
Gusto ni Regine Velasquez nga mopaambit sa mga grasya nga iyang nadawat busa wala siya magduha-duha sa pagsanong sa benefit concert didto sa Alonte Sports Arena sa Biñan, Laguna karong December 6. Makauban niya sa maong show ang laing Kapuso singer nga si Jaya.
Kever sa ex-BF
Tsika pa ni Andi Eigenmann nga bisan pa man sa panagbikil nila sa iyang ex-boyfriend nga si Albie Casino, andam gihapon siya nga makauban niya kini sa trabaho. Gitataw ni Andi nga dili siya mamili og proyekto ug kever siya kung duna’y tawo nga iyang gikalagotan.
Alden gidayeg ni Tintin ug Bro. Bo!
Misaludo ang TV host nga si Christine Bersola-Babao ngadto kang Alden Richards pinaagi sa pag-post sa Instagram og mga pagdayeg pahinungod sa aktor.
Na-encounter ni Christine si Alden sa benefit concert ni Ai Ai delas Alas sa miaging gabii sa Mall of Asia Arena kung diin ang kita niini maoy gamiton sa pagpatukod og simbahan.
Matud pa niya nga sakto lang gyud nga nakadawat og daghang grasya si Alden gumikan sa iyang kabuotan.
Nasayran nga migahin og oras ug wala nagpabayad ang aktor sa paglugwa sa maong kalihukan.
Gi-post ni Christine ang iyang hulagway uban kang Alden ug kini ang tipik sa caption::
“Ramdam namin ang bait ni @aldenrichards02 . He deserves all the blessings he is receiving now. Naisip ko tuloy ang caption na ito: kapag nakapagpapasaya ka ng mga tao sa buong mundo, it doesn’t matter if you are kapuso, kapamilya, kapatid, Ka-CNN. Wala sa network yan. Mas importante, lahat tayo ay Pilipino, lahat tayo ay nagmamahalan, lahat tayo ay may layunin na makapag-inspire ng maraming tao. Hindi madaling magpasaya ng tao. It’s a calling, a mission, a gift from God. “
Samtang ang sikat nga book author ug preacher nga si Bo Sanchez mi-pray over kang Alden niadtong gabhiona human sila nagkaabot sa dressing room alang sa mga special guest .
Nakadayeg si Bro. Bo kang Alden gumikan kay gi- acknowledge gyud niini ang Ginoo human nakadawat og daghang blessings.
“ I’m happy that his heart is in the right place, acknowledging that all his blessings come from God. I prayed that God use him more,” tipik sa iyang Facebook post.
Samtang gikatakdang motikang si Bro. Bo dinhi sa Sugbo alang sa tinuig nga Kerygma Conference karong November 28, 2015, 8am-6pm sa Grand Ballroom sa Waterfront Hotel-Cebu City .
Gawas kang Bro. Bo, duna pa’y ubang mga personalidad nga mopaambit sa ilang kaalam sa maong dako nga praise worship gathering. Kini naglangkob nila ni Jon Escoto, Obet Cabrillas, Arun Gogna, ug Albin Barcelona.
- Latest