Sabon sa lawas ug nawong

Happy  Sunday everyone! Marso na gyud, pagkadali na lang gyud sa panahon. Mao na kini ang sugod sa Summer! Daghan kaayo kong nadawat nga mga pangutana adtong niaging Domingo ug gusto ko magpasalamat kaninyong tanan sa pagsunod kanunay sa akong lindog. Hinaot unta nga dili kamo mapul-an sa pagbasa ug pagpadala og text kung naa kamoy mga pangutana bahin sa pagpagwapa, panamit, pamatasan ug uban pa. Aniay tulo ka pangutana nga akong napilian nga tubagon karong adlawa. Ang uban ako isunod sa mga umaabot nga Domingo. Anah lang!

Hi! Ako si Danielle Pantollano from Brgy.Kamputhaw, Purok 3 Cebu City. Akong pangutana, ngano lahi diay ang sabon sa lawas? Ug lahi sad ang sabon sa nawong? Kay ako man gud, usa ra akong sabon sa lawas ug sa nawong. Unsa man ang maayo nga sabon para sa nawong ug para sa lawas?

Hi Danielle! Ang panit sa nawong lahi sa panit sa atong lawas. Mas nipis kini ug dali ma-irritate. Kung ikaw naggamit og bar soap para sa imong lawas, dapat lahi gyud nga sabon imo gamiton sa imong nawong. Ang mga sabon sa nawong gidisenyo gyud para sa sensitibo nga panit. Mao na kung pareha nga klaseng sabon imo gamit sa imo lawas ug nawong, mahimo kining  ma-irritate.

Hi Miss Anna! Ask lang ko ba kung unsa ang buhaton para moputi ang ilok ug mawala ang bad smell ani. Ako diay si Jocelyn taga Mandaue.

Hi Jocelyn! Pwede ka mogamit og lemon juice o duga sa lemonsito. Imo lang kining ipahid ug paughon. Unya waswasi og mild nga sabon ug tubig. Pwede kang magbutang og duga sa lemonsito sa usa ka spray bottle unya imo kining i-spray kada adlaw inig human og kaligo. Likayi ang pag- shave ug pang ibot kay usa kini sa mga rason ngano maitom imong ilok. Usahay, tungod sad kini sa klase sa deodorant nga imong gigamit. Para usab sa pagpawala sa baho sa imong ilok proper hygiene ang kinahanglan . Dapat maligo ka kada adlaw, unya mogamit ka og deodorant. Pilia ang kanang hiyang ang imong skin ug singot.Naay ubang klase nga dili mouyon sa natural nga baho sa imong lawas.

Good morning Mam! Ako si Sandy taga Daanbantayan. Naana koy 3 kids. Ask lang unta ko kung unsay maayong beauty tips nga gamiton para ma maintain ang beauty?

Hi Sandy! Para ma maintain ang beauty, dapat naa kay “routine”. Hinumdomi ang tulo ka steps – cleansing, toning ug moisturizing. Cleansing para limpyo imong nawong kanunay sa mga abog-abog ug oil. Dapat sakto ang imong sabon gamiton sa imong skin type. Toning para dili dali makunot imong nawong. Daghan barato nga toner karon sa supermarket. Lastly ang moisturizer, nga importante kaayo kay maoy makapahamis ug makalikay sa pag-uga sa imong panit. Pero ang pinakaimportante jud sa tanang beauty tips kay to feel good. Hinumdomi, in order to look good, you have to feel good.

Pangutana kabahin sa pagpagwapa ug fashion? I-text kana, dungan sa imong ngalan ug address ngadto sa :0943-431-4567. Kutob lamang karong 10AM, March 2, ang pagdawat nato sa inyong mga mensahe. Kun mulapas na sa oras AYAW na pag-text ug pagpaabot na lang sa musunod na pud nga Domingo. Dili ni numero ni Anna, numero ni sa Banat In. Go go go na!