Marcos gusto'g malampuson nga kampanya sa Paris Olympics
CEBU, Philippines — Pagdaog og daghang medalya sa 2024 Paris Olympics.
Mando kini gikan mismo sa Malacanang nga tumanon sa Philippine Olympic Committee (POC) sama sa usa ka maayong sundalo.
“The President [Ferdinand ‘Bongbong’ Marcos Jr.] wants more medals in Paris,” matud pa ni POC President Rep. Abraham “Bambol” Tolentino. “And that’s an order we would more than happily want to accomplish.”
Sigun pa ni Tolentino, si Presidente Marcos nasayud sa malampusong kampanya sa nasud sa 2020 Tokyo Olympics sa miaging tuig diin ang Pilipinas nakasakmit sa labing una niining gold medal sa Olympics kortesiya ni weightlifter Hidilyn Diaz.
Uban ang duha ka silver nilang Carlo Paalam ug Nesthy Petecio ug bronze ni Eumir Felix Marcial sa boxing, mao kadto ang labing impresibong salida sa mga Pinoyng atleta sa kasaysayan sa prestihiyosong torneyo nga mahitabo kausa lamang sud sa upat ka tuig.
“I just told the President that we delivered a lot of Olympic medals during the past administration, and he replied that it’s not enough and he wants more,” butyag pa ni Tolentino. “So I answered ‘Yes Mr. President, we’ll do more in the Paris Olympics.”
Sa pagka karon, gipanglatawan ni Tolentino nga dili mominus usa ka dosenang atleta ang mo-qualify sa Paris 2024.
Wala hinoon nganli ni Tolentino kinsa kining mga atleta apan masaligon kaayo siya nga ila kining makab-ot uban sa pagtambayayong sa Philippine Sports Commission (PSC).
“That’s the secret, our relationship with the PSC is getting better and better,” dason pa ni Tolentino.
- Latest
