CEBU, Philippines — Ang University of Cebu (UC) Webmasters naglaraw nga maka-angkon og luna sa Final Four sa dihang ilang sangkaon ang Cebu Institute of Technology-University (CIT-U) Wildcats sa 2022 Cebu Schools Athletic Foundation, Inc. (CESAFI) men's basketball tournament karong adlawa sa Cebu Coliseum.
Nagbarog sa ikatulong dapit sa college division standings bitbit ang 4-4 record, ang kadaogan sa Webmasters batok sa Wildcats sa ilang engkuwentro sa alas 5:30 sa hapon magseguro kanila og luna sa semifinals.
Samtang ang Wildcats tagak na gumikan kay usa pa ang daog sud sa siyam ka duwa.
Sa juniors division, ang University of Southern Philippines Foundation (USPF) Baby Panthers ug ang University of the Visayas (UV) Baby Lancers mosuway pagpahayag sa ilang tsansa nga makatikang sa semis sa dihang mag-abot sila sa pasiunang duwa sa alas-4 sa hapin.
Sa kasamtangan, ang Baby Panthers ug ang Baby Lancers anaa sa ikalima ug ikaunom nga puwesto uban ang 3-3 ug 3-4 nga baraha apan sikit kaayo sila sa 4-3 CIT-U Baby Wildcats nga maoy nag-okupar sa ikaupat nga puwesto.