CEBU, Philippines — Ang tulo ka mga Sugbuanong players nga kabahin sa Chooks 3x3 teams nga morepresenta sa Pilipinas sa 2022 Chooks-to-Go FIBA 3x3 World Tour Cebu Masters masaligon sa ilang tsansa batok sa labing tang-an nga mga magduduwa sa kalibutan sa giatngan nga torneyo karon nang weekend didto sa SM Seaside City.
Si Mac Tallo, ang No.1 3x3 player karon sa nasud nga mopakita'g aksiyon sa Cebu Chooks kauban ang kababayan niyang si Zach Huang, Brandon Ramirez, Vince Tolentino, ug Mike Nzeusseu, nagkanayon nga nasayud sila sa malisud nga hagit nga nag-atang kanila sa unahan apan sa susamang higayon taas ang ilang kompiyansa nga ila kining malampasan kon ugaling mopakita lamang sila og maanindot nga salida.
"Our chances is always 50/50. Its just a matter of who wanted it more," matud a ni Tallo. "We promise that we will give everything we got so that our home crowd will really see what Cebu and Manila Chooks are made of."
Susama sab og sentimento si Huang.
"We have a good chance if we just play our best and give our A-game," dason pa ni Huang. "I'm very excited to play again in Cebu because this is where I grew up and become known in basketball. I will try to give my best," Huang continued. "To the Cebuanos, thank you for all the support. Please come and support our games and I hope we won't let you down."
Lain pang Sugbuanon nga mowadwad sa iyang abilidad ning labing dako nga 3x3 event dinhi sa probinsiya mao si Arnold Dave Ando nga sakop sa Manila Chooks kauban sila si Chico Lanete, Dennis Santos, Henry Iloka, ug Ken Holmqvist.
"As for our chances, I think playing in our home court will work to our advantage," padayag pa ni Ando. "But I can't promise anything for now. One thing I can assure though is that we will give our 100 percent best and keep our focus one game at a time. We will show to the Cebuano fans the fighting spirit of the Filipinos."
Sa Cebu Masters, banggaon sa Cebu Chooks ug Manila Chooks ang Antwerp sa Belgium, Riga sa Latvia, Amsterdam sa The Netherlands, Jeddah sa Saudi Arabia, Lausanne sa Switzerland, Ulaanbaatar ug Sansar sa Mongolia, Omaha sa Amerika,Utsunomiya ug Saitama sa Japan, Ludhiana sa India, ug Doha sa Qatar.