CEBU, Philippines — Mabalik na ang aksiyon sa Cebu Youth Basketball League pinaagi sa CYBL Under 19 Summer Showcase nga magsugod karong Biyernes, Marso 25.
Ang usa ka bulan nga torneyo nga modagan hangtud sa Mayo 1 duwaon sa nagkadaiyang binyu apil na ang Casals Village, City Sports Club, ug Alta Vista Golf and Country Club.
Mopakita'g aksiyon sa inisyal nga pasundayag sa liga ning tuiga mao ang Punta Alas, GAA (Guadalupe Athletic Association), Ballerhood Basketball Club ni Jax Bautista, Rosemont College-JTD Ballers, CHBC-Cebu Landmasters (gilangkoban og mga players sa defending CESAFI Juniors champion SHS-AdC Magis Eagles), Green Rose Center for Academe, Tisa Basketball, ug BETC.
“We’re very excited to have the CYBL back again and the Summer Showcase is only just the start. We want to show the Cebuano basketball players that the CYBL is ready to face the new normal and continue our mantra of ‘Duwa Lang Ta'," matud pa ni CYBL head organizer Popoy Navarro.
Ang liga naglantaw nga ipahigayon ang uban nilang age divisions (U12 ug U15) karong Hunyo o Hulyo.
“As early as now, we’ve already given a heads-up to all the youth coaches to ready their players for the coming tournaments so we can accelerate the return of youth basketball to the new normal,” dason pa ni Navarro.