Irving dili kaduwa sa Game 5
CEBU, Philippines — Dili makaduwa si Kyrie Irving uban sa Brooklyn Nets sa Game 5 sa ilang best-of-seven NBA Eastern Conference semifinal series batok sa Milwaukee Bucks karong adlawa didto sa Barclays Center sa Brooklyn, New York.
Tabla karon ang ilang serye sa baraha nga 2-2.
Si Irving nakahiagum og angol sa iyang tiil human sila magbangga ni Giannis Antetokounmpo sa ikaduhang kuwarter sa Game 4 niadtong Dominggo.
Matud pa ni Nets coach Steve Nash nga wa pay klaro kon kanus-a makaduwa og balik si Irving.
Tungod niini, usa na lang sa gikahadlokang Big 3 sa Nets nga si Kevin Durant ang makapakita'g aksiyon. Sama ni irving, si James Harden duna say gihambin nga injury. Andam hinoon si Durant nga mopas-an sa mabug-at nga misyon sa tinguha nga makalabaw sila og balik sa serye human gisagunsonan og duha ka pilde sa Bucks.
- Latest