VisMin Cup gilibkas suspensiyon ni Monbert Arong
CEBU, Philippines — Gilibkas sa Pilipinas VisMin Super Cup ang suspensiyon ni Monbert Arong ug takus na kining moduwa og balik uban sa ARQ Builders Lapu-Lapu City Heroes didto sa Alcantara Civic Center sa habagatang bahin sa probinsiya sa Sugbo.
Nalimpiyohan sa liga ang pangan ni Arong sa sayop nga binuhatan atol sa duwa tali sa Heroes ug Siquijor Mystics diin ang matahapon nga duwa sa duha ka kampo misangpot sa mga pagduda nga dunay game-fixing.
“After thorough review of the game tape by our league and technical officials, between ARQ Lapu-Lapu Builders and Siquijor Mystics, it has come to our attention that Mr. Monbert Arong is not part of the issue and it was Mr. Franz Arong that was involve. Hence, Mr. Monbert Arong is cleared to play effective immediately,” matud pa sa memo sa liga.
Gumikan ning maong kalamboan, si Monbert mahimo na nga moduwa sa Heroes sa ilang sunod nga duwa batok sa Tabogon-Cebu Voyagers.
Gitangtang sab ang iyang P15,000 nga multa ug ang maong silot gihapak ngadto ni Franz Arong.
- Latest
