CEBU, Philippines — Bisan anaa na siya sa hustong pangedaron, ang legendary Cebuana volleyball spiker nga si Thelma Barina-Rojas nagtuo nga mahimo pa siya nga makatabang sa duwa.
“I have all this accumulated knowledge that I have from my years training with a Russian coach Stanislav Ilugaillo, Japanese volleyball, and with various Filipino coaches,” matud pa ni Barina-Rojas sa Philstar.com's Rick Olivares niadtong weekend. “I might not be able to spike anymore but I think I am still fit enough to teach. I still do push-ups, you know?”
Tingali si Barina-Rojas daghan na og nahipos nga medalya sa iyang karera sa local volleyball, nidaog og mga titulo uban sa University of Southern Philippines ug dayon sa Southwestern University sa Cebu Amateur Athletic Association, ingon man sa nasudnong koponan.
Sa maong panahon, iyang natabangan ang Pilipinas sa ilang labaing nindot nga performance sa Southeast Asian volleyball diin nidaog siya og upat ka bulawan (1981, 1985, 1987 ug 1993), usa ka silver (1983) ug usa ka bronze (1991).
Si Barina-Rojas nahimong best spiker ug most valuable player niadtong 1987 ug ginganlan isip best receiver sa 1991.
Sa iyang katapusang internasyonal nga duwa, si Barina-Rojas mipartisipar sa Beach Volleyball Asian Circuit diin ang Pilipinas mitapos bitbit ang bronze medal.
Si Barina-Rojas nag-coach sa Makati Gospel Church Newlife Christian Academy sa miaging dekada. Mihimo siya og virtual coaching katulo sa usa ka semana.