2021 NBA All-Star Game wala pa'y klaro
CEBU, Philippines — Wala pa'y klaro kon duna bay mahitabong All-Star Game sa umaabot nga NBA season. Ang Indianapolis mao unta ang mo-host sa 2021 nga edisyon sa tinuig nga All-Star Game, apan gisibog kini sa liga tungod sa kalibutanong pandemiya. Imbes nga sunod tuig, ang All-Star Game mahitabo sa Indianapolis unya pa sa tuig 2024.
"While we are disappointed that the NBA All-Star Game will not take place in Indianapolis in 2021, we are looking forward to the Pacers and the city hosting the game and surrounding events in 2024," matud pa ni NBA commissioner Adam Silver.
Wala pa'y detalye kabahin sa 2021 All-Star Game nga gipagawas.
Ang Cleveland maoy mo-host sa 2022 All-Star Game ug ang Salt Lake City sa 2023. Sunod niini ang Indianapolis sa Pebrero 2024 didto sa Bankers Life Fieldhouse nga maoy homecourt sa Indiana Pacers.
- Latest