CEBU, Philippines — Gitay-og sa wa'y pildeng world lightweight champion Khabib Nurmagomedov ang kalibotan sa MMA dihang siya miretiro human sa iyang kadaogan batok ni Justin Gaethje kagahapon didto sa Abu Dhabi.
Agi'g pasabot sa iyang desisyon nga gikasurprisa sa tanan, si Khabib miingon nga igo lamang niyang gituman ang saad niya sa iyang inahan nga ang away niya batok ni Gaethje mao na'y iyang katapusan.
Si Khabib nga mibuntog ni Gaethje pinaagi sa 2nd round TKO bisan og dunay injury sa iyang tiil, miaway sa labing unang higayon sukad namatay ang iyang amahan ug coach nga si Abdulmanap niadtong Hulyo gumikan sa komplikasyon sa Covid-19.