Ginebra padayong nanginit, 4-0 na
CEBU, Philippines — Sa ikaupat nga sagunson nga duwa, lain na sab nga player ang mibida sa Barangay Ginebra Kings.
Ning higayona, si Stanley Pringle inabagan ni Prince Caperal.
Si Pringle mipabuto og 20 puntos, samtang si Caperal mikadlit og 14 puntos, 10 ka rebounds ug lima ka assists sa dihang Ginebra Kings mipaluhod sa Phoenix Super LPG Fuel Masters, 86-71 sa nagpadayong PBA Philippine Cup niadtong Miyerkules sa gabii didto sa AUF Sports Arena sa Angeles City, Pampanga.
Gumikan niini, ang Ginebra miinat sa perpekto nilang rekord ngadto sa 4-0 nga maoy labing nindot nilang sinugdanan sukad niadtong 1986 Open Conference.
Ang Fuel Masters igo lamang nakatabla, 28-28 gumikan kay ang Kings milusad og bangis nga opensiba dayon na sa pagposte og 21 puntos nga labaw sa himalatyong segundons sa duwa.
Dako sab og natampo sa Ginebra mao sila si Japeth Aguilar ug Scottie Thompson nga nagkumboya'g 21 puntos.
- Latest
