CEBU, Philippines — mosuway inat wa'y pildeng baraha
Suwayan og inat sa TNT Tropang Giga ug Rain or Shine Elasto Painters ang wa'y limpiyo nilang baraha sa ilang pakigsangka batok sa managlahing kontra sa PBA bubble play karong adlawa didto sa Angeles University Foundation (AUF) Sports Arena sa Angeles City, Pampanga.
Nagpabiling wa'y tatsa human sa 110-91 nilang demolisyon sa Phoenix Super LPG Fuel Masters niadtong Lunes, ang Tropang Giga naglaraw nga mokadlit sa ikalima nilang sagunson nga daog sa dihang ilang harungon ang Blackwater Elite sa first game nga gikatakda sa alas-4 sa hapon.
Samtang ang Elite nagbitbit og 2-2 nga baraha uban ang Alaska Milk Aces, San Miguel Beermen ug Meralco Bolts.
Ang Aces nanghinaut nga makasustinir sa ilang kainit sa dihang ilang engkuwentrohon ang wa'y pildeng E-Painters sa main game sa alas-6:45 sa gabii.
Ang E-Painters nagpanikad nga motali sa ikaupat nilang sunod-sunod nga daog nga seguradong mopahayag sa ilang tinguha nga makasud sa top 4 nga dunay twice-to-beat advantage sa quarterfinals.