CEBU, Philippines — Ang Sugboanong karateka nga si James de los Santos mihipos sa ika-12 niyang bulawang medalya.
Kini human gidominar sa 30-anyos nga si De los Santos ang Venice Cup 2020 #2 sa miaging adlaw.
Gipilde sa two-time Southeast Asian (SEA) Games bronze medalist si Nejc Sternisa sa Slovenia sa finals, 25.2- 23.7.
Mao kadto ang ika-10 nga sagunson nga gold medal ni De los Santos sukad siya naghari sa Balkan Open niadtong Agosto 3.
Gumikan niini, si De los Santos mipaduol og samot sa iyang tuyo nga makatkat ang labing taas nga puwesto sa e-kata world rankings.
Si De los Santos mao karon ang No. 2, apan gamay na lang ang gintang nila ni world No.1 Eduardo Garcia sa Portugal.