Pinay football player misidlak sa England

CEBU, Philippines — Usa ka Pinay football player ang mihimo og kasikas didto sa England sa natad sa women's football.

Si Mayumi 'Maz' Pacheco nga natawo sa parehong Pinoy nga ginikanan didto sa Ormskirk, West Lancashire, nahimong sakop sa pipila ka dekalibreng teams sa England sama sa Liverpool ug West Ham United.

Ang 22-anyos nga si Pacheco nakaduwa nang daan sa mga youth teams sa England. Apan dili tanang dalan nga iyang naagian nindot kay nag-agi una siya og mga kalisdanan sa wala pa nakatkat ang bukid sa kalampusan.

Ang labing dako niyang garbo sa pagka-karon mao ang pagduwa ubos sa England national team nga nakasakmit og bronze medal sa FIFA U-20 Women's World Cup niadtong 2018. 

Show comments