CEBU, Philippines — Handumon sa tibuok nga kinabuhi ni Milwaukee Bucks star Giannis Antetokounmpo ang ikaduha niyang sagunson nga MVP award ug doblehon pa ang iyang paningkamot sa tinguha nga makadaog og kampiyonato sa NBA.
Ang 25-anyos nga "Greek Freak" nahimong ikatulo lamang nga player sa NBA nga nakadaog sa MVP ug Defensive Player of the Year awards sa susamang season sunod nilang Michael Jordan (1988) ug Hakeem Olajuwon (1994).
"Michael Jordan, one of the best players who's ever done it, if not the best," sumala pa ni Antetokounmpo. "Hakeem, a guy that I look up to, he came from where I'm from, Nigeria, where I have roots. Just being in the same sentence with them, that means a lot to me."
Sa kinatibuk-an, si Giannis ika-12 nga player sa NBA nga nakabira og duha sagunson nga MVP sunod nilang Jordan, Stephen Curry, LeBron James, Steve Nash, Tim Duncan, Magic Johnson, Larry Bird, Moses Malone, Kareem Abdul-Jabbar, Wilt Chamberlain ug Bill Russell.