CEBU, Philippines — Dili na makaduwa sa nahibiling bahin nin NBA season ang forward sa Memphis Grizzlies nga si Jaren Jackson human na-injured ang tuhod.
Segun sa opisyal nga pamahayag sa Grizzlies, naangol ang walang tuhod ni Jackson human sa dili maayo niining pagkalandig sa iyang tiil atol sa ilang duwa batok sa New Orleans Pelicans niadtong Martes.
Ang 20-anyos nga si Jackson mitali og 20 puntos sa maong duwa diin sila gipilde sa Pelicans sa iskor nga 109-99.
Makarekober ra hinuon si Jackson sa umaabot, apan mibabay na kini sa kasamtangang season.
Sa nadangatan ni Jackson, daw sa napiangan sab ang Grizzlies sa ilang kampanya nga makaangkon og luna sa playoffs.
Kini kay si Jackson nga anaa pa lamang sa ikaduha niyang tuig sa liga, usa man sa ilang mga sinaligan.
Si Jackson mi-average og 17.5 points, 4.6 rebounds ug 1.6 blocks alang sa Grizzlies karon nga season.
Ang Grizzlies nagkompayot sa ikawalo ug katapusang luna sa playoff sa Western Conference standings, apan mameligro nga matagak human makatilaw og tulo ka sagunson nga pilde sukad nagsugod og balik ang NBA didto sa Orlando.