5 PBA rookies nga angay atngan
CEBU, Philippines — Alang ni Rain or Shine coach Caloy Garcia, dunay lima ka rookies nga angayan atngan sa mga fans kon ugaling mabalik na ang aksiyon sa ika-45 nga season sa liga nga kasamtangang gisuspenso gumikan sa coronavirus. Ang Elasto Painters dunay upat ka rookies nga maoy labing daghan sa usa ka team, apan walay bisan usa nilang Adrian Wong, Clint Doliguez, Prince Rivero ug Vince Tolentino ang giapil ni Garcia sa iyang listahan.
Naglangkob sa Top 5 PBA rookies ni Garcia karong season mao sila si Roosevelt Adams sa Columbian Dyip, Mike Ayonayon sa NLEX, Aris Dionisio sa Magnolia, Richard Escoto sa Blackwater ug Sean Manganti sa NorthPort. Sa kinatibuk-an, dunay 20 ka rookies sa 12 ka PBA teams. Walay labot ang lima kanila nga gipahuwan sa Gilas pool nga sila si Isaac Go, Rey Suerte, Matt Nieto, Allyn Bulanadi ug Mike Nieto. Si Adams maoy No. 1 overall pick, si Ayonayon No. 3, si Manganti No. 8, si Dionisio No. 9 ug si Escoto No. 14.
- Latest
