CEBU, Philippines — Andam si naturalized center sa Gilas Pilipinas Andray Blatche nga motabang sa pagpalambo sa abilidad ni Pinoy teen basketball sensation Kai Sotto.
Kini tungod kay ang duha mamahimong teammates ubos sa Mighty Sports Philippines nga moduwa sa Dubai International Basketball Championship sa Enero sunod tuig.
Ang 7-foot-2 nga si Sotto mouli sa Pilipinas gikan sa Estados Unidos aron moduwa sa Mighty nga laraw mosakmit sa kampiyonato sa maong sikat nga torneyo sa Middle East.
Sa iyang bahin, si Blatche naghinam-hinam nga modala pagbalik sa bandera sa Pilipinas.
Si Blatche wala kuhaa sa Gilas Pilipinas sa 30th Southeast Asian Games.
Si Mighty coach Chris Tiu nagkanayon nga gawas sa pagtabang sa nasud nga modominar sa Dubai tournament, l aing papel ni Blatche mao ang pagbaid sa talento sa 17-anyos nga si Sotto aron mahimo kining lig-ong sentro sa nasud.