Cebu, Philippines — Usa ka dakong legasiya sa nasud ang nahitabong pag-host niini sa 30th Southeast Asian Games nga nahimong malampuson ilabi na sa mga atletang Pinoy nga misakmit sa kinatibuk-ang kampiyonato.
Si Philippine Sports Commission chairman William 'Butch' Ramirez nagkanayon nga daghan ang positibo nga napakita ang hosting sa nasud sa SEA Games.
Si Ramirez nalipay tungod kay midominar ang mga Pinoy sa hapit tanang sporting discipline, apan mas nakanindot mao ang gipakitang maayo nga batasan sa mga atleta.
Gihimo niyang ehemplo ang bayaning surfer nga si Roger Casugay nga modaog na unta og gold, apan pakyas kay
gipalabi niya ang pagluwas sa kinabuhi sa iyang Indonesian nga kontra, kinsa hapit malumos.
Sa maayo nga bunga sa SEA Games, si Ramirez misaad nga pakusgan pa ang programa sa nasud sa mga paugnat sa
kusog ilabi na sa grassroots program aron makakaplag og umaabot nga mga pambato sa nasud.