CEBU, Philippines — Gipakita ni Carlos Yulo nga usa siya sa mga hayag nga pambato sa nasud sa 2020 Tokyo Olympics human niya gilangkat ang gold medal sa men’s artistic gymnastics all-around category sa Southeast Asian Games kagahapon didto sa Ninoy Aquino Stadium.
Si Yulo una nang gilauman sa mga kadagkuan sa Philippine Sports nga muhatod og bulawan nga medalya human usab siya naghari sa miaging World Championship niadtong Oktobre.
Si Yulo mirehistro og iskor nga 84.900 sud sa unom ka routine aron pildehon ang Vietnamese nga si Dinh Phuong Thanh kinsa mitali og 82.350.
Sa laing bahin, mirehistro sa ikaduha niyang sunod-sunod nga gold medal sa SEA Games si Agatha Wong atol sa wushu competition.
Si Wong mitali og 9.67 points aron matuman iyang saad nga muhatag og gold sa nasud.