CEBU, Philippines — Kursonada si Fil-Am Eric Cray nga mohatag og laing bulawang medalya sa Pilipinas sa Southeast Asian Games nga pormal nang buksan karong hapon didto sa Philippine Arena.
Si Cray nga mopakita'g aksiyon sa 400m hurdles madasigon nga morehistro sa ikaupat niyang sunod-sunod nga gold medal sa SEA Games ug laraw niya nga labwan ang iyang personal best nga 49.40 seconds nga iyang gitala niadtong tuig 2015 didto sa Singapore.
Ang 31-anyos nga si Cray usa sa mga gilauman nga motampo og gold medal sa nasud ilabi na nga mipuwesto siya sa ikapitong dapit sa 2016 Olympics.
Gawas sa hurdles, si Cray mao usab ang pambato sa nasud sa 100m dash.
Naka-gold siya sa maong event niadtong 2015, apan pakyas siya pagdaog sa miaging 2017 SEAG didto sa Indonesia human mapilde ngadto ni Khairul Jantan sa Malaysia.