CEBU, Philippines – Dul-an sa 10,000 ka mga atleta ug coaches gikan sa nagkadaiyang tunghaan sa Cebu City ang mag-abot diha sa Cebu City Sports Center alang sa pagbukas sa ika-29 nga edisyon sa Cebu City Olympics.
Gipaabot nga mubukas sa maong multi-sporting event mao sila si Cebu City Mayor Edgardo Labella ug Vice Mayor Michael Rama. Ipahigayun usab ang pagpili sa Mr. and Ms. City Olympics alang sa elementary ug secondary level.
Ang City Olympics maoy kuhaan og atleta nga morepresentar sa Cebu City alang sa 2020 Central Visayas Regional Athletic Association (CVIRAA) Meet.
“It is our role to develop the potentials of our athletes. We want to build champions with character, value-laden as they represent and raise the Philippine flag in the global arena not only in CVIRAA or Palarong Pambansa," matud ni DepEd-Cebu City acting superintendent and chief of the School Governance and Operations Division, Dr.Joeyliza Arcilla sa press conference kagahapon didto sa CCSC. “In the last CVIRAA, although we defended our title, we have the lowest number of golds ever and that is something we have to look into."
Ang mga sports nga tigian naglakip sa basketball, volleyball, archery, gymnastics, football, sepak takraw, arnis, baseball, softball chess, futsal, dancesport , scrabble, table tennis, boxing, wushu, pencak silat, cultural contest ug special games.