CEBU, Philippines —Gipapas na ni PBA veteran star LA Tenorio ang mga pagduda sa iyang pagretiro sa basketbol human siya mipirma og extension contract uban sa Barangay Ginebra.
Si Tenorio magpabilin uban sa Ginebra hangtod sa tuig 2023.
Bisan og usa siya sa mga edarang players sa liga, ang 35-anyos nga si Tenorio epektibo gihapon uban sa Ginebra ug gisaligan siya ni coach Tim Cone nga mohatag pa og kampiyonato sa ilang prangkisa.
Ang four-time champion nag-average og 12.3 points ug 8.9 assists karon nga season.
Sa laing bahin, gihimakak usab sa kadagkoan sa Ginebra nga plano nila nga i-trade ang ilang high-flying guard nga si Scottie Thompson ngadto sa NorthPort Batang Pier bugti ni Christian Standhardinger.