NBA sugdan na
Emmanuel B. Villaruel (Banat) - October 23, 2019 - 12:00pm

CEBU, Philippines —Mosikad na ang 2019-2020 NBA season karong adlawa sa duha ka manglahing binyu, apan ang New Orleans Pelicans gisugat og dili maayong balita gumikan kay ang star rookie nilang si Zion Williamson dili makaduwa sud  sa duha ka bulan human ma-operahi ang na-injured niyang  tuong tuhod.

Ang 19-anyos nga si Williamson mao unta ang sentro sa atensiyon sa dihang sangkaon sa Pelicans ang defending champion Toronto Raptors karong buntag didto sa Scotiabank Arena sa Toronto, Canada, apan mabaraw kini gumikan sa nahitabo kaniya.

Daghan ang na-anugonan sa nadangatan ni Williamson gumikan kay bangis ang gipakita niining salida sa pre-season diin siya mi-average og 23.3 points, 6.5 rebounds ug 2.3 assists sud sa upat ka duwa uban sa Pelicans.

Apan ang No.1 overall pick sa miaging NBA Draft nakahiagum og injury sa iyang tuhod. Gumikan sa padayon niining pagsakit, ang mga doktor mirekomendar nga kinahanglan kining operahan.

Positibo hinuon gihapon ang panglantaw ni Pelicans guard JJ Redick sa ilang team.

"We have a deep team," matud pa ni Redick.  "We'll hold it down as best as we can without him. Obviously we need him back. Hopefully he takes his time and recovers fully."

Dili hinuon malilong nga bukid ang tungason sa Pelicans batok sa Raptors ilabi na kay wala na uban kanila si Anthony Davis nga nakig-alyansa sa ilang superstar nga si LeBron James didto sa Los Angeles Lakers.

Samtang ang Raptors bisan og wala na si Kawhi Leonard nga mitapon ngadto sa Los Angeles Clippers nagpabiling lig-on gumikan sa presensiya nilang Kyle Lowry, Pascal Siakam, Fred VanVleet, Marc Gasol ug Norman Powell.

Gawas sa bugno tali sa Pelicans ug Raptors, laing pasiunang dalit sa NBA mao ang "Battle of  LA" tali sa Lakers ug Clippers.

Giatngan sa kinabag-an mao ang match-up nilang James ug Davis sa Lakers batok nilang Leonard ug Paul George sa Clippers nga seguradong molamas sa liga tibuok season.

NBA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with