Tautuaa gisugat og daog uban sa Beermen
CEBU, Philippines — Gilihian og daog ang San Miguel Beermen debut sa Fil-Tongan center nga si Mo Tautuaa kagahapon dihang gipakaging sa Beermen ang Columbian Dyip, 113-107, didto sa Smart Araneta Coliseum.
Kini ang unang duwa ni Tautuaa sa Beermen human ang blockbuster trade diin gibuhian siya sa NorthPort Batang Pier bugti ni Fil-German Christian Standhardinger.
Mitampo dayon gikan sa bench si Tautuaa kinsa mihipos og 10 puntos, samtang ang import nga si Dez Wells nagbangis alang sa Beermen sa iyang 39 puntos.
Laing mihimo og double-digits scoring sa SMB sila si Junemar Fajardo ug Alex Cabagnot kinsa miiskor og 19 ug 15 puntos matag usa.
Galabaw pa ng Dyip sa katapusang kwatro minutos sa duwa, 89-85, apan wa sila kapugong sa kalit nga ratsada sa Beermen sa hinapos nga bahin sa duwa.
Nausik ang 38 puntos ni Khapri Alston, samtang miiskor og 18 puntos sila si CJ Perez ug Juami Tiongson.
- Latest
