Posible nga dili pa makabenepisyo ang NorthPort Batang Pier sa serbisyo sa bag-o nilang superstar nga si Christian Standhardinger kay aduna kini gihambin nga injury sa tuhod.
Si Standhardinger wala miapil sa team practice sa Batang Pier niadtong Huwebes nagsakit niyang tuhod.
Si Standhardinger nga napunta sa NorthPort human gi-trade sa San Miguel Beermen bugti ni Mo Tautuaa, dili pa makapasalig nga makaduwa siya uban sa Batang Pier sa umaabot nga mga semana.
Posibleng dili mahitabo ang giatngan nga team debut ni Standhardinger uban sa Batang Pier sa Miyerkules diin sangkaon nila ang San Miguel.
Masaligon hinuon si coach Pido Jarencio nga makaduwa ra sa dili madugay ang iyang bag-ong player nga gitan-aw niyang makatabang sa ilang gihandom nga labing unang finals appearance sa ilang prangkisa.