CEBU, Philippines — Ipadayun sa NLEX Road Warriors ang init nilang sugod sa PBA Governors Cup diin tuyo niya nga musakmit sa ikatulo nilang sunod-sunod nga daog batok Blackwater Elite didto sa Sta.Rosa Multi-Purpose Complex.
Ang NLEX makigsangka sa Blackwater sa alas-4:30 sa hapon.
Lab-as pa sa ilang 105-99 nga kadaugan niadtong Biyernes batok Meralco Bolts, ang Road Warriors ni coach Yeng Guiao gusto nga mapalig-on ilang kupot sa unang dapit nga mutabang kanila aron sayong masegurado ang luna sa playoffs.
Gawas sa ilang kugihan nga import nga si Olu Ashaolu, ang NLEX nagmalampuson usab sa miaging mga duwa tungod sa nindot nga gipakita nila ni JR Quinahan ug Gilas point guard Kiefer Ravena.
Samtang sa main-game sa alas-6:45 sa gabii, ang San Miguel Beermen makigbangga sa Alaska Aces.