CEBU, Philippines — Kon siya ang pabut-on, gusto ni kanhi Gilas Pilipinas coach ug NLEX Road Warriors mentor Yeng Guiao nga sugdan na sa PBA ang paggamit sa 'FIBA rules' aron maanad ang mga player sa matang sa duwa sa internasyonal nga mga torneyo.
Si Guiao miigon nga dako ang kalainan sa FIBA rules ug sa gigamit nga rules sa PBA sa lihok sa mga national team players kon moduwa na sila sa mga dagkong international competition.
Ang multi-titled coach mitug-an nga ang PBA misunod sa ilang rules set sa NBA.
Gihimong ehemplo ni Guiao ang mga European teams nga miimplimintar sa FIBA rules sa ilang mga liga nga maoy hinungdan nga nagmalampuson kini sa miaging World Cup.