CEBU, Philippines – Ang ikatulo nga season sa GJA-Dogie Cup Basketball Tournament sugdan na ugmang adlawa, Agosto 31 sa alas-12:30 sa hapon diha sa CPA gym sa Pier 6, Dakbayan sa Sugbo.
Unom ka teams ang magtigi sa dungog ug kini mao ang Rongcales Customs Brokerage ni Richard Rongcales, MJE ni MJ Engracial, Thor Customs Brokerage ni Eric Lima, Cutarra Customs Brokerage ni Rocel Cutarra, Quickserver ni Eulo Arevalo ug Raskals ni Resty Lope.
Moduwa sila ubos sa single round robin format.
Ang top 2 teams makaangkon og awtomatik nga luna sa semifinals diin sila adunay twice-to-beat advantage.
Samtang ang No. 3 ug No. 4 armado sab og twice-to-beat advantage batok sa No. 6 ug No. 5 sa quarterfinals.
Ang modaog sa No. 3 ug No. 6 maoy makaangkon og katungod sa pakigsangka sa No. 2 sa semis ug ang modaog sa No. 4 ug No. 5 mao sab ang mosangka sa No. 1.
Ang mga mananaog maoy mag-abot sa kampiyonato, samtang ang mga pildero mag-ilog na lang alang sa ikatulong dapit.
Moduwa sa Rongcales Customs Brokerage mao silang Richard Rongcales, Christian Villacastin, Jim Villa, Baeng Medalle, Francis Palero, Jun Gayo, Julios Dayon, Mark dela Cruz, Villarde, Jerry Cañete, Tero, Villasor, Entero, Pino, Rivera, Genelsa ug Sugar.
Naglangkob sa MJE mao sila si MJ Engracial, Noel Medalle, Mark Gomez, Mondoy Aragon, Francis Ibo, Jonathan Piape, Eric Olita, Mark Tan, Alinsug, Robinson, Prim Oporto, Axer Alejano, Toper Marata, Dandan Enriquez, Ricky Dueñas, Jay Oyao, Gorio Baltonado ug Anel Viodor.
Ang Thor Customs Brokerage gilangkuban nilang Eric Lima, Donald Dungog, Luchel Raganas, Jerick, JM Villano, Aguilon, Juloks, Jopel Paca, Joseph Diamada, Nick Yncierto, Alfred Kensaya, Reyden Villaronza, Dodong Manlosa, James Gambe ug Eric Bejoc.
Wala sab magpaalkansi ang Cutarra Customs Brokerage kay anaa kanila si Rocel Cutarra, Francis Eri, Rondobio, Moneva, Ecojedo, Sarapan, Matias, Santiago, Manulat, Junel Batuto, Alburo, Cabadunga, Arreglo, Villarin, Amorin ug La Castro.
Ang komposisyon sa Quickserver naglakip nilang Shawn Cal, Rex Bensi, Jorice Zabate, Arden Valenzuela, Geno Valenzuela, Ariel Castro, Novie Rollon, Janno Boniao, Jeff, Joji, Jaymar Caynila, Villaro, Ryan Villomo, ug Jason Tangcalagan.
Sa habig sa Raskals mao sila si Resty Lope, Boodee Monteño, Phillip Rabago, Banjo, Takloy Moral, Gani, Jay Entes, Chito Lleve, Cartagena, Luther Deniela, Erwin Diaz, Aricson, Nikki, Alfonso, Tope, Chamber ug Nico.