CEBU, Philippines — Depensa mao ang nakita nga yawi ni Gilas Pilipinas coach Yeng Guiao aron makahimo sila og upset nga kadaogan batok Italy sa una nilang duwa sa FIBA World Cup karong Agosto 31 didto sa China.
Si Guiao miingon nga usa ang Italy sa mga high-scoring team sa Group D sunod sa Serbia ug nga kinahanglan nila nga malimitahan ang opensa sa mga scorers niini aron may tsansa sila nga modaog.
Giila ni Guiao ang tulo ka mga scorers sa Italy nga sila si NBA veterans Marco Belinelli, Danilo Gallinari ug Alessandro Gentile.
Sa laing bahin, kompirmado nga motan-aw sa duwa sa Gilas ug Italy si Presidente Rodrigo Duterte nga moadto sab sa China alang sa iyang pakigkita ni Chinese President Xi Jing Ping.
Kahinumduman, nga mimugna og kasikas ang pamahayag ni Duterte diin miingon siya nga walay tsansa modaog ang Gilas batok sa mga tag-as nga player sa Italy.