CEBU, Philippines — Unom ka mga bag-ong koponan ang moapil sa lahugay sa Consolacion Lilo-an Basketball Association (CLBA) Season 3 nga gikatakdang sugdan karong Sabado didto sa GT Academy gym sa Tayud, Lilo-an.
Mao kini ang gipahibalo ni league commissioner Fury Trazona.
Kini mao ang Union CMG, Sniper, Gyro Steel. Yasco Auto Supply, Villanizhi Surplus ug ang team Hernando.
Sa kinatibuk-an adunay 12 ka koponan ang magkumbati nga pangulohan sa defending champion E-F Surplus. Lain pang mga koponan nga mopakita'g aksiyon mao ang RJ Store, 4Nichol's, Jonghap Tang-an, Nazarene ug Kalubi-an.