CEBU, Philippines – Gilauman nga makapakita na unya og maayong labok ang mga atleta sa Dakbayan sa Talisay sa Central Visayas Regional Athletic Association (CVRAA).
Kini human si Mayor Gerald Anthony 'Samsam' Gullas naglaraw nga iyang palambuon ang paugnat sa kusog sa maong siyudad.
Si Gullas ang naila nga maoy athletic director sa ilang gipanag-iya nga tunghaan.
Gawas pa niana, mahiligon sab si Gullas sa paugnat sa kusog hinungdan nga siya nakahuna-huna nga magpahigayon na unya og sports summit sa Dakbayan sa Talisay.
Matud pa niya nga adunay mga paugnat sa kusog nga hinay-hinay na nga wala madungog busa sa iyang panahon ila kining ipaila sa bag-ong henerasyon.
Sa pagka karon, giuna lang sa ni Gullas sa paghan-ay ang umaabot nga Mayor's Cup nga maoy usa sa mga tipik sa selebrasyon sa kapistahan ni Sta. Teresa de Avila karong Oktubre 15.