CEBU, Philippines – Ang Cebu Pink Paddlers nakabahin og usa ka podium finish sa Stanley International Friendship Dragon Boaat Races 2019 sa miaging adlaw didto sa Hong Kong.
Ang bugtong female dragonboat team nga gilangkuban sa breast cancer survivors, mipahiluna sa ikatulong dapit sa Ladies Open division sa 250 metros nga lumba.
Mirehistro sila sa labing paspas nga oras nga dos minutos ug 36 segundos.
Ang duha ka Pilipinhong koponan mibira miangkon sa una ug ikaduha nga luna uban sa Filipino Dragons isip labing paspas nga oras sa 2:31, gisundan sa Dynamo Dragon Boat Team sa oras nga 2:35.
Ang AWA Globe Paddlers ug Tori mitapos sa fourth uban ang 2:41 nga oras, samtang ang New Castile Dragon Hunters miokupar sa ikalimang dapit sa oras nga 2:44.
Ang Pink Paddlers moapil unta sa 2019 Kong Kong Dragon Boat Carnival, apan ang kompetisyon nakanselar tungod kay wala sila'y pahulay.