CEBU, Philippines — Mag-atubang na sab og laing lisud nga duwa ang San Miguel Beermen dihang ilang banggaon ang Blackwater Elite sa PBA Commissioner's Cup karong adlawa didto sa Mall of Asia Arena.
Sugdan ang duwa alas-4:30 sa hapon.
Ang San Miguel nga wala pa'y daog maningkamot nga ilang mapilde ang league-leader Blackwater aron malikayan ang 0-3 nilang sugod sa conference.
Sa katapusan nilang kaparotan sa mga kamot sa TNT KaTropa, si coach Leo Austria midasig sa iyang mga players nga maningkamot aron matarong ug hapsay na ang ilang kampanya.
Si reigning MVP JuneMar Fajardo miingon nga daog ang ilang tuyo karon tungod kay ang Blackwater gitan-aw nga title contender tungod sa grabeng paglambo sa koponan.
Ang Beermen mopokus sa depensa ilabi na sa alas sa Blackwater nga si Fil-American rookie Ray Parks Jr. nga maoy yawi sa upat ka sunod-sunod nga daog sa Elite.
Makuhaan hinuon og hinagiban sa opensa ang San Miguel tungod kay padayon pa nga nagpaalim sa iyang injury si Terrence Romeo.
Sa main game sa alas-7 sa gabii, ang NLEX Road Warriors makigsangka batok Magnolia Hotshots.