CEBU, Philippines — Human biyai og 0-2 sa ilang best-of-seven East finals series sa Milwaukee Bucks, nakita karon sa coaching staff sa Toronto Raptors nga kuwang og suporta ang ilang mga sinaligan nga sila si Kawhi Leonard ug Kyle Lowry gikan sa uban nilang teammates.
Sila si Leonard ug Lowry mi-average og dako batok sa Bucks, apan inay malipay, nakita sa Raptors nga dili kini maayo nga timailhan tungod kay wala usab makapakita og maayong labok ang uban nilang players sama nila ni Pascal Siakam, Marc Gasol ug Serge Ibaka.
Itandi sa ilang serye batok Boston Celtics, ang Raptors nalupig sa bench points sa Bucks nga migamit sa tanan nilang players aron mahatagan og igong suporta ilang star nga si Giannis Antetokounmpo.
Ang Raptors nanghinaot hinuon nga mas daghan na ang mutampo sa Game 3 karon nga adto duwaon sa ilang balwarte sa Air Canada Center. Ang Raptors maglikay nga mapilde pa aron dili mabutang sa delikadong 0-3 nga pagkalubong.