CEBU, Philippines — Mikulit og laing PBA record si James Yap sa Rain or Shine Elasto Painters, apan wala kini niya hatagi og bili kay napilde man sila sa Game-3 sa 'best-of-seven' semifinals series batok Magnolia Hotshots sa iskor, 74-85 niadtong Martes.
Si Yap ikaupat na sa all-time three-pointers human siya mirehistro sa iyang ika 1,138 nga tres diin ug nalabwan na niya ang Cebuano legend nga si Dondon Hontiveros (1,137).
Ang 15-season veteran nagmaya sa iyang nakab-ot, apan giklaro niya nga pabiling mahinungdanon alang kaniya nga makatilaw og laing kampiyonato nga katapusan niyang natagamtaman niadtong 2006 dihang didto pa siya sa Magnolia. Si Yap adunay pito ka PBA title.
Ang Game-4 karong Lunes didto sa Smart Araneta Coliseum.