Cebu triathletes misidlak sa Alaska Ironkids
CEBU, Philippines — Ang mga batan-ong triathletes sa Talisay Luigi Triathlon Group (TLTG) nakapakita og maayo sa ilang katakus sa Alaska Fortified IronKids kagahapon didto sa Azuela Cove sa Dakbayan sa Davao.
Sila si Earol Belonguil ug Matthew Justine Hermosa nihimo og 1-2 finish sa boys 13-14 category. Si Belonguil miangkon sa unang dapit sa oras nga 15:29, gisundan ni Hermosa nga mioras og 15:30.
Ang TLTG midaog sab og usa ka gold ug usa ka bronze medal sa boys 6-8 kortesiya nilang Kenchie Luke Cabando nga naghari sa maong dibisyon uban ang oras nga 7:57, samtang si Brent Diesmo nalandig sa ikatulo sa oras nga 8:25.
Si Christy Ann Perez mitunol og bulawan sa team ni coach Roland Remolino human nidominar sa girls 6-8 class sa oras nga 7:26. Si Jeanna Mariel Cañete mitak-op sa kampanya sa TLTG uban ang usa ka silver sa girls 13-14 sa oras nga 17:24. Si Marielle Estreba sa Cebu City Rider Omega Triathlon ang mipilde ni Cañete ug nidaog sa bulawan.
Lain pang naka-medal mao sila si Zebrick James Borja nga midaog sa boy 13-14, Francesca Behn Caballero ug Juan Suarez sa 11-12 class, Aleora Avanzado sa girls 9-10 ug Burce Ice Bagat nga naghari sa habig sa lalaki.
- Latest