PSC-Visayas molusad province-wide boxing program
Emmanuel B. Villaruel (Banat) - February 12, 2019 - 12:00am

CEBU, Philippines — Ang Philippine Sports Commission (PSC)-Visayas inabagan sa Cebu Provincial Sports Commission (CPSC) molusad og usa ka programa sa boksing lukop probinsya sa Sugbo karong summer.

Gibansagan og "Boxing Palaro ni Mayor ug Governor",  si PSC-Visayas coordinator ug Amateur Boxing Alliances of the Philippines (ABAP) Central Visayas director Lorenzo 'Chao' Sy nagkanayon nga ang gihikay nilang kalihukan mosikad karong Abril didto sa Dakbayan sa Bogo, amihanang bahin sa Sugbo.

Si Sy notadong tigpaluyo sa boksing sud sa kapin upat na ka dekada, miingon nga nakig-estorya na sila sa mga mayor sa nagkadaiyang lungsod ug dakbayan kabahin sa ilang proyekto alang sa mga batan-ong boksidor nga nag-edad og 20 anyos paubos.

Human sa Bogo, lain pang unom ka dapit ang mo-host  mao  ang Moalboal sa Mayo, Toledo sa Hunyo, Dalaguete sa Hulyo, Tuburan sa Agosto, Mandaue sa Septiyembre ug Dakbayan sa Sugbo alang sa katapusang leg karong Oktubre.

Midugang si Sy nga ilang gihangyo ang mga LGUs (local government units) nga mo-establisar og kaugalingon nilang programa sa boksing kay ang PSC andam nga motagana og mga coaches ug trainers alang kanila aron mabaid og maayo ang abilidad sa ilang mga boksidor.

Gikan sa mga talento nga ilang masigpatan, ang matag lungsod ug dakbayan giawhag nga moporma og team nga dunay dili momenos lima ka miyembro nga magdawatan og training allowance gikan sa hingtungdan nga mga LGU.

"Amoang gihangyo ang mga mayors nga unta matabangan mi ani aron matagaan silag allowance, maski lima lang ka mga boxers nila para ani nga event," sumala pa ni Sy.

Basi sa pangagpas sa mga organizers ning tuig 2019, moabot ngadto sa dul-an 300 ka mga amateur boxers gikan sa siyam ka siyudad ug lungsod ang mosalmot sa ilang programa.

Kadtong mahagpat nga labing maayong mga boksidor sa Sugbo i-endorso ni Sy sa ABAP uban ang tinguha nga makaangkon sila og luna sa national training pool ug makarepsentar sa nasud sa mga international nga kompetisyon sa umaabot. (BANAT NEWS)

BOXING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with