Bug-at nga silot ang gipaabot nga matagamtaman ni Mike Miranda sa TNT Katropa human sa iyang pagpanukmag sa tiyan ni Phoenix Fuelmasters bigman Justin Chua atol sa ilang duwa niadtong Sabado.
Si Miranda nadakpan sa camera nga mituyo og sukmag ni Chua agi usab sa iyang kadismaya human sa kapildehan sa iyang koponan sa overtime.
Almazan hulipan sa Gilas
Nangita og hulip ang Gilas Pilipinas sa forward nga si Raymond Almazan kinsa imposible nga makaduwa sa FIBA World Cup qualifiers sunod buwan tungod sa injury.
Si Almazan maoy ikaduhang forward sa Gilas nga makahiagum og injury sunod ni Troy Rosario kinsa adunay buak sa ilog.
Pinoy champ nailogan og bakus
Pakyas ang Pinoy mixed martial artist nga si Joshua Pacio pagdepensa sa iyang ONE strawweight world title human siya napilde pinaagi sa split decision ni Japanese Yosuke Saruta didto sa Indonesia.
Sa pagkapilde ni Pacio, aduna nalang upat ka mga Pinoy fighter nga kampiyon sa ONE Championship nga mao sila si Eduard Folayang, Brandon Vera, Kevin Belingon ug Jeje Eustaquio.